Eli-Anne i Peru

Eg har hatt ein fantastisk sommar i Norge, der høgdepunktet var bryllupet vårt 14. juli! No er vi tilbake i Peru, og skal vere her eit år til og jobbe som lærarar på Den norske skulen.
To har blitt ett, og som seg hør og bør, har også to bloggar blitt til ein blogg. Så vår bloggadresse er frå no av:
www.kmogea.blogspot.com. Følg gjerne med der på kva vi opplever som nygifte i Peru;)

Eg har vore fryktelig dårlig å legge ut ting på bloggen i det siste..
Men eg vil skrive litt no, sidan det er to dagar til eg drar til Norge.
Den siste tida har det skjedd mykje; elevane på DNS har gitt ut CD, det same har ungdomsgruppa som eg er med i (Luteranos al toq, som hadde lanseringskonsert/ lovsangskveld!),  vi har hatt besøk av ein peruansk skule på DNS, eg har fått to utdrikningslag(eit med språkskulen og eit med misjonærdamene).
Begge kveldane var fantastiske!! Eg har vore i Juliaca og sett på hus til neste år(der vi skal bu), og det har vore diverse avslutningar(skule og med misjonærar. I går kveld var eg i bursdag til ei i ungdomsgruppa.  
Eg har fiksa ulike ting til bryllupet, og no er brudekjole og program klart! -håpar på at bordkorta er klare i måra... Ein bør ha ein smule tolmodighet her i Peru, det er ikkje alltid ting går som ein trudde, eller at ting tar så lang tid som ein
har fått beskjed om..
Sjølv om sola skin og himmelen er blå, så merker eg at det er vinter her no. Om ein ikkje held seg i sola blir det fort kaldt!! -eg er heldig som får tre somrar på eit år!!!

Tirsdag morgon reiser eg altså til Norge!! -Eg gler meg vanvittig til å vere med forloveden min; Kjell-Magne, familie og vener, og til å vere i Norge!!  -og sjølvsagt ser eg veldig fram til den store dagen; 14. juli då Kjell- Magne og eg skal gifte oss!!
Eg kan konkludere med at dette året har vore utruleg bra! -eg har trivst veldig godt i jobben som lærar på DNS, og det har vore kjekt og spennande å bli kjent med ungdommane i kyrkja, eit nytt land, eit nytt språk, og misjonærane er noken herlege folk!
So: i`m happy:) 

God sommar!! (vinter til de som er i Peru;) )

( no blir det nok ikkje blogging på ei stund her....)

Arequipa by er heilt gul av små taxier, men i Juliaca er det sykkel/ moto-taxi som  er tingen!
Her skal eg og Kjell.- Magne bu frå september! Byen ligg på 3800 moh!!, og det er ikkje langt frå Titicacsjøen.
Byen er kjent for å vere stygg, kald, og full av søppel og dritt,men vi gler oss! Det blir nok veldig annleis enn å bu i Arequipa.

Plazaen i Arequipa (som bildet er tatt frå) har eg lest blir rekna for å vere Latin-Amerika sin vakraste sentrumsplass. Er eg ikkje heldig som bur her?!! Det eine tårnet på katedralen raste forresten ned under det  store jordskjelvet i 2001.

Her er deler av Luteranos al toq, ungdomsgruppa på tvers av kyrkjene. Vi leda lovsangen på gudstjeneste i ei av kyrkjene. 

17. mai vart feira på Den Norske skulen her i Arequipa. -og på mange måtar var det som å feire 17. mai
i Norge. Vi starta med barnetog(vel 300 meter), sang dansk, peruansk og norsk nasjonalsang.
Så var det tid for 17. mai tale, og vidare hadde elevane fleire musikkinnslag. Det var 17.mai-leiker som hesteskokasting, treff rektor med VÅT svamp o.l. Etterpå på var det tradisjonen tru pølser, isdama kom med is,
så kaker og sosialt samvær. Ein perfekt dag; sol og skyfri himmel hadde vi også! Men i det vi køyrte ut porten etter festen var alt som vanleg, ingen teikn til 17.mai- feiring der nei...Merkeleg;) Eg trente og dro til tannlegen, akkurat som på kva som helst slags dag. Dagen vart avslutta med "pollo a la brasa" (grilla kylling med pommes frites) hos familien Banda.



17. mai-toget stoppa ved vaktfamilien på skulen, og sang dei tre nasjonalsangane.



Her er folklore- gruppa på DNS med Raphael i bræsjen. Dei spelar i desse dagar inn CD, og er
kjempeflinke på trommer, sampoña og sang. Vi fekk enda ein gang gleda av å høyre dei på 17.mai!



Beathe var med på leiken, og fekk tåle steiken :) Etterkvart tok eg over, og det vart vått!



Damene på kjøkkenet: Beathe, Nina og Jenny. Legg merke til dei fine muffinsane med norske
og danske flagg, dei er Ninas verk!



Skulekoret syng "Alle fugler" tostemt.



Meg foran DNS, med Misti (Arequipas stolthet, vulkanen på 5822 moh) i bakgrunnen.

Litt seint ute med oppdatering her.. Men sist søndag var det morsdag her i Peru.
Ungdomsgruppa som eg er med i:  "Luteranos al toq", reiste rundt til alle mødrene
til ungdommane. Vi begynte klokka 23.15, og kom heim kl 04.30!! Vi sang morsdagssang,
dattera/ sønnen leste eit dikt og så sang vi velsignelsen. Det var ei veldig fin oppleving.
Denne gruppa har også laga CD, og 1. juni skal vi lansere den med lovsangskveld i kyrkja.
Ver gjerne med å be for denne dagen, då vi trur mange folk som ikkje går i kyrkja til vanleg
også vil komme.

For fjerde gang mens eg har vore her fekk eg reise til Cusco sist veke! Eg og to elevar frå DNS i Arequipa; Amalie og Asbjørn reiste til Cusco for å ha skule med dei to danske elevane Daniel og Rebekka, og voluntør Claus. Sidan det er berre to elevar som i tillegg er søsken i Cusco, så ville dei gjerne ha besøk frå Arequipa, og vi 
ville sjølvsagt komme!
Vi hadde ei super veke der, med temadag om fjell og vulkaner, ut på tur, ridde på hest og hadde det moro. Onsdag ettermiddag var det familiemøte, og ellers leika barna ilag heile tida. Siste natta sov i alle på skulen, 
først var det
film, pizza og godteri;)
Eit lite minus i boka var at eg måtte til tannlegen kvar dag mens eg var der, for eg fekk den verste tannverken eg noken gang har hatt.. Så no skal det settast på kroner+++. 
Vi vil uansett takke familien Andersen og Alice i Cusco som tok så godt i mot oss! Vi fekk oppleve stor gjestfrihet! TAKK!


Her er Asbjørn, Amalie og meg på flyet til Cusco.


Etter dei hadde ridd(da var eg med tannlegen..:( ) så tok vi denne bussen ned til Plaza de Armas i sentrum.

Her er den tøffe gjengen som sat bakerst i bussen:

Amalie, Rebecca, Asbjørn og Daniel.

I forbindelse med temadagen om fjell og vulkaner, laga vi eit fjell og ein vulkan i papmaché(sånn avispapir som ein limer på), Her er malinga ferdig, og elevane svært fornøgde.

Ein dag eg var i sentrum var det dansing og opptog rundt plazaen.

Sist søndag (har hatt litt problem med bloggen!) fylte misjonær Arild Herigstad 37 år! -og då var det fest og glede!
Klokka åtte i dag tidleg kom det ungdommar frå ungdomsgruppa (den som er på tvers av alle kyrkjene heime ho Arild og Jenny), og lurte på om eg var klar. Vi skulle bort til Arild, og overraske.
Det heile starta med at Arild fekk 5 egg i haudet:

---

Vidare måtte han, tradisjonen tru, stappe haudet nedi kaka(som alle sjølvsagt åt etterpå, inkl meg:



Og så var det tid for piñata! Det er ein figur som det er godteri og andre ting inni, og bursdagsbarnet skal slå på den til den åpner seg og alle godsakene fell ut.


Og til slutt var det dusjing med hageslangen ! Ein herleg start på dagen:)

---

Og her er alle ungdommane som stilte opp tidleg på morgonen:

Slik er synet rett utafor døra mi. Vakkert! Vulkanen du kan sjå i bakgrunnen; Chachani ligg på over 6000 moh.
Dei gule taxiane(tique, som er forbode i Norden på grunn av dårlig sikkerhet..) er å sjå overalt i byen.

-og her bur eg. I det kvite huset i midten, i andre etasje. Ferskenhuset ved sida vart akkurat ferdig, og stålgreiene som står opp på det huset er veeeldig vanlig i Peru. -visst dei skulle få råd til/ lyst på ein etasje til;)

Eg har tenkt på nokre ganger at det er litt rart at eg som kristen feirer jul meir enn
påske. Hadde det ikkje vore for det som skjedde i påska for 2000 år sidan, så kunne
ikkje eg ha vore kristen, eg kunne ikkje hatt eit forhold til Gud. Fordi Jesus kom, lot seg pine,
krenke, og dø for alt det gale som eg har gjort og som eg kjem til å gjere, så kan eg få leve, evig!
Forholdet mellom Gud og menneske var øydelagt, for Gud tåler ikkje synd. Men
på grunn av at Jesus døde for oss, vart det ordna opp. Korset vart som ei bru over til Gud, over den store
kløfta som hadde vore mellom menneske og Gud. Så da kan eg, på grunn av at Jesus døde(og stod opp!!)
få leve med Gud. Gud har gjort alt, eg kan få seie TAKK. Og det vil eg: takk!

Han er oppstanden halleluja. Lov ham og pris ham, halleluja.
Jesus vår frelser, lenkene brøt. Han har beseiret mørket og død.

Lov ham og pris ham vår frelser og venn.
Han som gir syndere livet igjen.
Halleluja, vi skyldfrie er.
Halleluja, vår Jesus er her.
(huska eg rett tekst?)

Då er påskeferien over for denne gang. Vi startar på den norske skulen i morgon.
Eg har vore ein liten tur til Lima, to dagar, for å få nytt pass, slik at eg skal komme meg heim til sommaren;)
Det var digg å komme seg bort litt, traske rundt i Lima. Den eine dagen fekk eg til og med surfa!
Resten av påska har eg vore her i Arequipa. For første gang her har eg vore på klassisk konsert; Stabat mater av Rossini med stort kor og symfoniorkester; Flott! -har vore på kino, og ellers ein del i kyrkja. Håpar dåkke der heime har hatt det fint! Klem frå Peru